News Details
07/02/2021
وزیر اعلی خیبر پختونخوا محمود خان نے تمام متعلقہ حکام کو ہدایت کی ہے کہ صوبے بھر میں قانونی طریقے سے پاور کرش پلانٹس لگانے والوں کی سہولت کے لئے لائسنس اور این او سی کے اجراءاور دیگر لوازمات کے لئے ون ونڈو سروس شروع کی جائے
اور قانونی طریقے سے پاور کرش پلانٹس لگانے کے خواہشمند افراد کو درخواست دینے کے ایک ہفتے بعد لائسنس اور این او سی کے اجراءکو یقینی بنایا جائے تاکہ قانونی طریقے سے لگنے والی پاور کرش پلانٹس کی حوصلہ افزائی کرکے غیر قانونی طریقے سے لگنے والی کرشر پلانٹس کی موثر روک تھام کو یقینی بنایا جا سکے۔ انہوں نے متعلقہ حکام کو مزید ہدایت کی ہے کہ دریاوں سے ریت اور بجری نکالنے اور آبادی کے آس پاس کان کنی کے لئے متعلقہ قوانین میں مقرر کردہ محفوظ فاصلے پر عملدرآمد کو یقینی بنانے کے لئے موثر لائحہ عمل تیار کیا جائے تاکہ سیلاب اور دیگر قدرتی آفات کی صورت میں آبادی کو پہنچنے والی نقصانات کو کم سے کم کیا جاسکے۔
وہ گزشتہ روز محکمہ معدنیات اور معدنی ترقی کے ایک اجلاس کی صدارت کر رہے تھے۔ اجلاس میں صوبہ بھر میں پاور کرشر پلانٹس کی تنصیب، دریاوں سے ریت اور بجری نکالنے اور شہری اور دیہی آبادیوں کے آس پاس کان کنی سے متعلق معاملات کو اسٹریم لائن کرنے اور اس سلسلے میں بنے والی قوانین پر موثر انداز میں عملدرآمد کو یقینی بنانے کے لئے مختلف امور کا جائزہ لیا گیا اور اہم فیصلے کئے گئے. اراکین صوبائی کابینہ تیمور سلیم جھگڑا، اکبر ایوب، سلطان خان ، عارف آحمد زئی اور چیف سیکرٹری ڈاکٹر کاظم نیاز کے علاوہ متعلقہ محکموں کے انتظامی سیکرٹریوں اور دیگر متعلقہ حکام نے اجلاس میں شرکت کی۔ اجلاس کو مجوزہ ریور بیڈ مائننگ رولز 2021 کے مختلف پہلووں کے بارے بھی تفصیلی بریفنگ دیتے ہوئے بتایا گیا کہ ان مجوزہ رولز کا مقصد دریاوں کے پانی کا تحفظ اور اس کی اپنی اصلی حالت میں بھاو کو یقینی بنانا، دریاوں کے کنارے قائم انفراسٹرکچرز کو محفوظ بنانا ، مستقبل میں تعمیراتی صنعت کی ضروریات کو پوری کرنے کے لئے ریت اور بجری کی آسان دستیابی کو یقینی بنانا اور دریاو ¿ں سے ریت اور بجری نکالنے کے کاروبار سے وابستہ افراد کے تحفظ کو یقینی بنانا ہے۔ وزیر اعلی نے پاور کرشر پلانٹس اور ریور بیڈ مائننگ سے متعلق جملہ امور کو زیادہ سے زیادہ عوام دوست بنانے کی ضرورت پر زور دیتے ہوئے کہا کہ صوبے میں پاور کرشر پلانٹس اور ریور بیڈ مائننگ کو ریگولیٹ کرکے نہ صرف اس کاروبار سے وابستہ افراد کے لئے آسانیاں پیدا کی جاسکتی ہیں بلکہ قدرتی آفات سے ہونے والی جانی ومالی نقصانات کو کم سے کم کرنے کے علاوہ قدرتی ماحول کے تحفظ کو بھی یقینی بنایا جاسکتا ہے۔ اجلاس میں پاور کرشر پلانٹس اور ریور بیڈ مائننگ سے متعلق امور کو اسٹریم لائن کرنے کے سلسلے متعلقہ قوانین پر من و عن عملدرآمد کو یقینی بنانے کے لئے متعلقہ حکام پر مشتمل ایک کمیٹی تشکیل دے دی گئی جو صوبائی کابینہ کی منظوری کے لئے حتمی سفارشات تیار کرے گی